「快樂大腳」回南極

【明報專訊】因誤闖新西蘭酷熱環境，一度羸弱瀕死的皇帝企鵝「快樂大腳」（Happy Feet），經專家兩月悉心治療，終於恢復體力，今天將乘船往南極圈海域，踏上歸途。

惠靈頓動物園昨有約1700民眾輪流入場，送別「快樂大腳」。園方稱，這隻年約3歲半的皇帝企鵝自6月下旬住進冷氣房療養、臥冰牀、食混入磨成粉末狀三文魚的奶昔，體重已由當初的22公斤，增至如今約27.5公斤。牠昨日接受過最後一次體檢，今天將在獸醫照料下，登上國家水與大氣研究院一艘調查船度身訂做的恆溫箱，遠航4日到坎貝爾島（Campbell Island）附近，讓牠重投大海。

儘管放生地點距南極洲尚有2000公里遠，但專家表示，該島嶼海域是皇帝企鵝的正常覓食範圍，估計牠可以重遇同類，並順流南歸。

6月20日新西蘭民眾發現牠流落在距南極出生地逾3000公里外的惠靈頓海灘，並誤把近3公斤沙礫雜物當碎冰狂吞「解暑」，一度病危。專家為牠三度洗胃及送往模擬南極環境的動物園，牠才逐漸康復過來。但有人質疑為救一隻企鵝花掉約58萬港元，倒不如人道毁滅或任牠在灘頭自生自滅。

「快樂大腳」的經歷除獲國際傳媒報道，還衍生敍述其故事的書籍、紀錄片製作方案。牠的返家過程將有衛星追蹤監測，公眾可登入www.wellingtonzoo.com瀏覽。

不可以這樣無鬼用!

昨天公司要印label,步驟有廿幾個，記唔哂，又趕住要印，咁揾人幫手啦，到最後終於可以印，部printer又唔聽話，去另一部腦開格式又有出入，時間已經八點，到咗約咗老公豬嘅時間，又發現有啲格式有問題!!!好心急又好挫敗，有啲想喊!同事見我咁叫我走先，咁我就即走搵老公豬。

出咗公司先見到原來老公豬send whatsapp話搭七，八會到，即係佢已經等咗成半個鐘，即刻好唔好意思，拿拿臨打俾佢會合。

可能佢又累又餓，言談間已經有些不滿，問佢食咩淨係話我鍾意，想道佢咁攰咁餓就捨遠取近唔去食扒去食越南河，點知我點飯食佢仲黑面，話我講食河粉坐低咗又叫飯食...呢一刻由公司已經想喊的情緒一下子崩潰，哭了出來...我知我無睇到短訊要佢等咗好耐，不過我都已經好努力咁盡快走，明明問佢想食乜時佢話我鍾意，點知原來一心想去鋸扒，叫飯食又話我明知佢唔鍾意乾淨淨嘅野，但我只是叫我吃那份...結果我覺得那天什麼也不順利，哭得鼻子都呼吸不了，飯也差點吃不下...其實也不是什麼大不了的事，但那一刻真的覺得很委屈...

唉真沒用，不可以這麼易哭啊!

新工第一天

忙，八點才收工，走時大部份同事還在搏殺。
我會否長做下去呢？

七年前

盛夏八月。
七年前的這個時候，懷著點點緊張和大量興奮之心的我，初次踏足瑞典，展開充滿難忘回憶的一年交流生生活。
今天，是Lund University的reception day。

家訪Amy

昨晚到Amy家聚舊，本來說是要我親手煮晚飯的，但上到去時，G小姐，她男友和Amy三人已經打麻雀打得不亦樂乎，都不願下樓買食材，於是就改為叫pizza外賣了。
他們還欠一隻腳，所以即使我強調我只懂食雞糊，他們也要我坐下一起打。
大半年沒見，一說話還是笑料不斷，像經常見面的朋友。
麻雀打了兩圈後，我也開始食糊了，起初他們還替我高興，食多兩鋪，卻又話我扮豬食老虎了。
待Philip回來後便吃pizza外賣，食物我覺得一般，幸好他們開的白酒很好喝。
飯後再竹戰至約十時便散水，一計數我竟然無驘無輸，打了個和。哈!

Starbucks-ing with 老公豬@ 海港城

閒了了

辭職後, 在公司沒事做, 上網看李祘.

X Japan 再臨

X Japan 11月4日再次於亞博開show
最貴票價分1680, 1480, 880, 480. 認識的fans都義無反顧的睇1680
經CN Live團購不用排隊行政費50
結果, 雖然覺得好很貴, 都唯有俾1730出黎, 未計車錢飯錢.........
銀行存款金額不斷倒退.........唉!

老公豬生日

同老公豬慶祝拍拖後的第二次生日。

生日前兩天,特意去廟街買早前見到的一隻按摩手套,可是唔知因為太早去到定因為當晚可能掛三號風球,個檔囗無開!又唔知點解嗰刻心情好,於是一直步行返去尖沙咀一商場買。順便去食一直想試的日式豚肉飯,可惜肉鞋囗飯太濕,失望。

前一天放工後跟公司車去文華酒店攞藍莓芝士蛋糕，再返去藍田。後來先知老公豬請咗半日假去中環當金,直係啱。老公豬見到個文華餅盒好驚喜,無諗到我咁破費,又話下次買美心得喇 ,開心下啫。嘻見到佢咁驚喜貴啲都抵。

由於晚飯食得好飽,所以無係十二點切蛋糕,不過就送咗按摩手套。佢見到係手套後講咗句"無辦法啦你要睇X Japan" 哼以為我送幾十蚊禮物,其實我仲有驚喜;-)

第二日食個芝土餅做下午茶。個餅質地幾實,不過好好食，而且食完飽得好舒服,唔會好滯,唔錯:-)既然切餅了, 當然要送出第2份禮物---粉藍Crocs拖鞋!這下老公豬真的驚訝了, 沒想過有第2份禮物! 佢有點詫異/ 驚喜地說"咁破費呀" 哈!當然了, 我錫老公豬嘛, 送禮物都選好的. 佢試穿著走了幾下, 說都幾舒服wor!哈咁就好 ^^ 之後，我竟然忍唔住再瞓過...

瞓醒後去同老公豬食生日飯,係尖沙咀嘅瑞士餐廳。餐包係送嘅,不過十分普通，牛油又唔香,可吃可不吃。頭盤烘芝士好好味,芝士味好出! 主菜要了瑞士汁炒牛仔肉. 牛肉好食, 個煎薯餅好香口!另一個主菜是紅酒燴牛膝, 牛膝食味似牛腩, 份量都幾多, 配cheese & cream 煮成的飯, 食到我地兩個飽飽滯滯. 餐飲叫了杯half apple juice half apple cider, 很清新好喝, 用來消滯剛好. 埋單差不多600元, 頗貴, 但吃得開心. 見餐廳也有些外籍人士光顧, 看來食物味道是正宗的.

食飽飽同老公豬散步, 走左去星光大道睇嘜兜^^ 嘜兜個銅像比想像中細, 不過珍惜好得意, 老公豬話佢個post係指天篤地 XDDDD好好笑!! 睇完嘜兜就行去海港城睇和服展. 展品是一些京都得工藝品, 一幅幾十萬的織布, 和一件一百萬的和服!!!好癲啊! 整多幾件可以買層樓了! 由於展品都被圍起來, 看不清楚手工, 不過無疑是很漂亮的藝術品. 看完這個就歸家了. 希望老公豬生日開心!