康州驅魔實錄 (The Haunting in Connecticut)

好耐無睇恐怖片了, Jovi有日撩睇戲, 見這片的評語幾好, 我, Bobo, Jovi就一行三人去看了.
結果是





好驚呀~~~~!!!!
簡直是由頭驚到尾, 密集式的驚嚇, 完全無透氣位!! 每次那些背景音樂轉變, 預告驚嚇位的出現, 我就瞇起眼睛, out focus咁看…第一個驚嚇位出現時, 沒有看螢幕, 之後我同Bobo一齊問Jovi”頭先做咩呀?”
因為太多料, 睇到咁上下, Bobo 同Jovi已經講”完未呀?””幾時走得呀?”表現出已經夠了的感覺., 我都在想”套戲咁長既?有無兩個半鐘?幾時完呀?”
當我地以為終於完了的時候, 發覺咦? 點解好似仲有D野既? 原來最尾有個反高潮!!! 真係估佢唔到, D畫面仲好震撼添!!

愛看恐怖片的話, 這部有驚嚇有溫情, 誠意推介.

睇相

又係唔知幾時講起,去廟街, G話佢知道有個睇相佬OK, 於是有日就特意去個邊食飯同睇相了.

晚餐食日本拉麵, 是一間裝修很日本地道感覺的小店. 拉麵好好食, 不過G話鰂魚涌間函館D湯仲香喎, 有機會試下先(不過網上食評話間舖轉左幾次手, 水準插水式下降 -_-lll)

至於睇相佬講左D乜呢? 哈其實我幾日內去了廟街睇兩次相, 第二次是同Bobo & Janice, 二人都是聽說我去睇相後又柴娃娃要去. 綜合兩次的內容如下:

-我整體面相唔錯, 額頭夠闊, 勸骨夠横, 下巴兜兜晚年無憂, 差在個鼻!!!!!鼻樑低, 即是做來做去財運也不見得特別好…..呢個我都知嫁啦, 長期處於貧窮線 L
-我隻手夠大(唔記代表乜, 但記得是好的), 攤開手後手心有小小凹位, 有裝到錢的意思(但我個鼻低wor), 手掌夠”淋”, 手指長, 代表唔使做粗重工作
-睇指甲就話我內臟唔係幾好
-唔知睇邊樹, 話我個人唔係唔勤力, 有野就會做, 但又唔係好勤力好上進, 唔似有些人好清楚自己要做咩, 一直向住目標前進---即是無乜野心
-師奶少婦, 唔係唔使做, 但又唔憂, 師奶+少婦的混合, 將來會比老公有錢XDDD
-老公比自己大7年比較好
-手掌雜紋多—多野諗,不過諗埋晒D唔等使既野,
-硬頸, 不過嗌交時得把口, 無料到的……….
-最好的姻緣虛齡29歲那年的年尾出現…..
仲有咩呢?

-都幾長命, 有70左右?(你看, 睇相佬何止呃你10年8年, 幾十年呀大佬!)
-子女幾錫自己

暫時記得咁多

迪迪尼

久違了

同G一齊後唔知點解無咩心機寫網誌...今日一劑過, 記得幾多寫幾多, 排位純粹根據記憶彈出次序, 不跟時序.

同G講過我去過一次迪迪尼咁大把, 而且主要玩鬼屋, 其他好多野無玩到, 佢話下次一齊去…就咁不久之後我地就去了玩了.個日中午約青衣站等, 打算食埋中午飯先入去, 個傻仔荔景就落左車….終於見到了, 去了青衣城入面食Mos Burger, 然後就出發.

迪迪尼其實無乜好寫, 都係那些東西啦. 同海洋公園性質唔同, 迪迪尼賣點是fantasy, 童話世界. 不過地方真係幾細, 我地中午後先施施然入去, 都玩得晒所有野, 當然平日唔多人都有關啦~

玩完去G屋企睇舊版的Charlie and the Chocolate Factory. 太攰, 睇左一半就頂唔順返屋企了. 其實部戲唔差的啊.